الرئيسية / فنون / أول حب في حياة إسماعيل ياسين استغلته لإثارة غيرة خطيبها الأول

أول حب في حياة إسماعيل ياسين استغلته لإثارة غيرة خطيبها الأول

كشف الفنان الراحل إسماعيل ياسين، العديد من المواقف التي تعرض لها في بدايته الفنية وبالتحديد بعدما ترك السويس مدينته الأصلية واتجه للقاهرة للعمل في مجال الفن.

وحكى إسماعيل ياسين، عن مقلب تعرض له من فتاة جميلة عرفها ورغب في الزواج منها، وقال خلال حواره مع الإعلامي وجدي الحكيم: “بعد ما جيت مصر أتعرفت علي بنت جميلة وحبيتها أوي وكنت عايز أتجوزها، والكلام ده كانت بين سنة 38 و 39 وكنت بشتغل في صالة الراقصة السيدة ببا عز الدين، وبعدين شوفت بنت اسمها سعاد وعرضت عليها نتزوج قالت لي طب روح اطلبني من واحد قريبي ظابط في قسم الموسكي، اسمه خليل العصرة، المهم روحت وقابلت خليل في القسم وطلبت منه الزواج من سعاد، قلي طيب مفيش مانع بس اديني فرصة أسأل عنك، أتضح ليا بعد كده إن خليل العصرة كان خطيب سعاد وكانوا زعلانين من بعض، فهي استغلتني عشان تخلي خليل يغير ويعرف أنها مرغوبة و ممكن تضيع منه”.

كما حكى موقف أخر تعرض له وذلك عندما كان ينام في مسجد السيدة زينب، لأنه وقتها لم يكن معه أموال قائلًا: “مسجد السيدة زينب يا سلام ده كان حافظ جتة إسماعيل ياسين ده كان لوكاندة ليا بعد ما جيت مصر وخلصت مني الستة جنيه، وهدومي اتسخت وكان منظري مذري وأنا مش عايز ارجع السويس، عشان خايف من ستي ومن أبويا رغم إني كنت ابنه الوحيد، كنت أنام فين مكنش فيه قدامي غير مسجد السيدة زينب، كنت أروح اركع الركعة مقومش تاني تفضل للصبح، لغاية لما الراجل المسئول عن تنضيف الجامع، خد باله إني باجي كل يوم بعد العشاء وأنام في المسجد، فيوم جه وراح ضربني برجله في بطني وقالي قوم يا ابن فلان الفلاني، ومشيت من المسجد السيدة زينب وعرفت بعدها إن الجامع بقي بيتقفل بعد صلاة العشاء، وكنت أنا السبب”.

 

شاهد أيضاً

عمرو دياب

فيديو نادر – هل ممكن أن يغني الهضبة عمرو دياب باللهجة الخليجية ؟

تداولت صفحات جمهور الفنان عمرو دياب عبر موقع التواصل الاجتماعي فيس بوك فيديو قديم للهضبة …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *