الرئيسية / فنون / ”انت بقيت عدو نفسك واللي ادهالك قادر يسحبها منك”..عمرو أديب يهاجم محمد رمضان : شيء مستفز في بلد الناس فيها بتطفح الكوته

”انت بقيت عدو نفسك واللي ادهالك قادر يسحبها منك”..عمرو أديب يهاجم محمد رمضان : شيء مستفز في بلد الناس فيها بتطفح الكوته

 

انتقد الإعلامي عمرو أديب، الفيديو الذي نشره الفنان محمد رمضان وهو يلقي النقود علي الأرض بعد صدور حكم تغريمه بـ 6 ملايين جنيه لصالح الطيار أشرف أبو اليسر.

قال أديب خلال حلقة أمس من برنامجه «الحكاية» عبر شاشة mbc مصر: «فيديو مستفز جدًا لشعب مصر، شيء مستفز في بلد فيها الناس بتطفح الكوته علشان تجيب رزقها، يعني النعمة دي متفرقش معاه».

وأضاف: «كأنه بيقولنا الفلوس دي علي الجزمة، بيقولنا إيه يعني 6 مليون جنيه أنا الفلوس متفرقش معايا في حاجة، فالأستاذ نمبر وان أثارحفيظة عدد كبير من الناس اللي بتحبه، الراجل ده بقى عدو نفسه.. متفهمش دماغه بقى فيها إيه، أنا عاوزه بس يشرحلي إيه الفكرة؟ يا أخي لو الفلوس متهمكش وكتير اتبرع بيها لحد».

وتابع: «يا نمبر وإن أنت مش ملاحظ إن بقالك سنة بتعمل مصايب؟.. على فكرة مش أنت بس يا محمد اللي عندك فلوس، فيه ناس عندها فلوس أدك 100 مرة بس مبيعملوش كده».

واستكمل: «ده بطر يا ابني واللي ادهالك قادر يسحبها منك، الناس اللي انت استفزيتهم دول هما اللي عملوك، لأن أنت جزء كبير منك صناعة سوشيال ميديا، إيه المانع إنك تعتذر للناس، اللي كنا فاكرينه موسى طلع فرعون، اهدى وارجع لعقلك وبلاش غرور، ناس كتير أعظم منك وضاعوا في ثواني لسه قدامك وقت ترجع تاني في كلامك، ترجع محمد رمضان بتاع الناس والشعب والغلابة إنما لو ناوي تكمل كده.. أبشر».

واختتم حديثه قائلا: «شوف النهارده أخوك خالد النبوي لما اتقال إنه عيان، مصر كلها واقفة على رجل، عشان البلد كلها بتحترمه وبتحبه، إنما ده مش موقف بني آدم مثقف حاول تبقي أوعى من كده يا محمد».

قال الإعلامي المصري عمرو أديب في حديث سابق إنه لا يرغب بمهاجمة الفنان محمد رمضان، لافتا إلى أنه كان من الممكن أن يسبب انفجار القنبلة أثناء تصوير أحدث أعماله الفنية، مشكلة لرمضان نفسه.

وتساءل أديب في تصريح تلفزيوني عن وجود تأمين عن مثل هذه الأعمال سواء على رمضان أو العاملين معه، مضيفا في رسالة وجهها لرمضان: “معملكش غير إعلام بلدك”.

كما هاجم أديب رمضان قائلا: “ألف شخص قد يعالجك، لكن الشاب “الغلبان” لن يسأل فيه أحد”.

وأضاف: “عندما تكون “نمبر وان” يجب أن يكون لديك مسؤولية اجتماعية، أنت تعمل في مكان أنت صاحبه، فلابد أن تهتم بالشاب وتوليه رعايه وتطمئن على صحته”.

وتابع أديب: “ألست مستغربا أن هناك إصابتين متتاليتين في إعلان ومسلسل، الأولى في قنبلة والثانية في حريق”.

وأعرب عن أسفه لإصابة رمضان، مضيفا: “لكن العالم كله يهتم بأمره ولن يهتم بأمر الشاب الصغير أحد”.

 

شاهد أيضاً

في أول رد فعل بعد تصريحات ريهام حجاج.. ياسمين عبد العزيز: أحمد العوضي حب عمري (فيديو)

في أول رد فعل على حالة الجدل بعد لقاء ريهام حجاج مع بوسي شلبي، ردت …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *