الرئيسية / فنون / تحية كاريوكا ظهرت كومبـ ارس بدور جنـ دي في فيلم “عايدة” ونامت خلال التصوير

تحية كاريوكا ظهرت كومبـ ارس بدور جنـ دي في فيلم “عايدة” ونامت خلال التصوير

كشفت الفنانة الراحـ لة تحية كاريوكا، كواليس مؤلـ مة عن طفولتها وهروبها من منزل عائلتها ومساعدة نجل شقيقها لها في الهروب.

وقالت تحية كاريوكا: “ابن اخويا اللي ساعدني أهرب من البيت بعد موت والدتي كان أهلي بيقيدوني في السرير بجـ نزير عشان مهربش وأروح عند ستي لأمي، وعثمان فك ليا الجنزير واداني قرشين صاغ اللي كانوا معاه، وخرجت من البيت ونطيت في منور عند الجيران وقعدت يومين لأن جسمي كان فيه جروح ورضوض عشان نطيت من مكان عالي، وجريت لمحطة القطر وركبت من محطة نفيشة قريبة من الإسماعيلية، ركبت في عربية درجة تالتة وافتكرت الكمسري مش هيشوفني ولما جه الكمسري قعدت أعيط واديته نص فرنك”.

وأضافت خلال لقائها في برنامج إذاعي قديم مع الإذاعي الكبير وجدي الحكيم: “قولت للكمسري إني كنت عند ناس في الإسماعيلية وعايزة أروح لأهلي في مصر، الناس في القطر لما سمعوا حكايتي صعبت عليهم ولمولي ثمن التذكرة”.

وتابعت: “لما روحت إسكندرية سعاد محاسن ودي كانت مطربة عظيمة في إسكندرية و كانت بتعاملني زي أمي وقالت ليا أنا لازم أكلم أخوكي عشان ييجي يأخدك مينفعش تهربي من بيت أهلك، قولت لها لو اتصلتي باخويا هانتحر، قالت طيب إنتي عايزة إيه، قولت لها شغليني معاكي حتي ولو كومبارس، وفعلا شغلتني في فيلم “عايدة” سنة 1937 مع أم كلثوم ، لبست واحد من الجنود كنت بمسك الحربة وكان شعري قصير زي الولد، وكنت من التعب بنام وأنا واقفة وكانت الحربة وتوقع مني وكان الفنان بشارة واكيم ييجي يعدلهالي”.

شاهد أيضاً

فاطمة كشري تكشف عن سر شراء أحمد مكي تكييف لها (فيديو)

ساعد العديد من الفنانين الممثلة فاطمة كشري، في أ ز مـ تها الصحية الحالية، ويعد …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *