الرئيسية / فنون / دياب:محمد الحلو كان مثلي الأعلى في بدايتي ولو عمرو دياب منجحش يبقى غـــ لط في الطاقة الكونية

دياب:محمد الحلو كان مثلي الأعلى في بدايتي ولو عمرو دياب منجحش يبقى غـــ لط في الطاقة الكونية

رفض الفنان دياب تصنيف “المهرجانات” ضمن الغناء الشعبي، قال : مافيش حاجة اسمها غنا المهرجانات، المهرجانات دي نوع مزيكا طرأ على المجتمع المصري في الـ 15 سنة الأخيرة ، وابتدا ينتشر بشكل أو بآخر، لكن هو لا ينتمي للأغنية الشعبية.

وأضاف: الأغنية الشعبية دي اللي إتربينا عليها من قديم الأزل، من أيام أستاذ محمد قنديل، وأستاذ محمد رشدي والعزبي، كان في مطربين عظام، اللي طلع من عبايتهم بعد كده أستاذ عدوية وأستاذ حكيم، بهاء سلطان، واحد زيي وزي مصطفى حجاج، والليثي، هو ده امتداد الأغنية الشعبية.

وعن مواصفات المطرب الشعبي، قالت: اللي بيغني شعبي لازم يكون صوته حلو قوي وصوته مظبوط، ولازم صوته يملا كل حواسك.

سأل الإعلامي عمرو أديب الفنان دياب عن سبب نجاح الفنان عمرو دياب المتواصل.

وخلال استضافته في برنامج “الحكاية” على قناة MBC مصر، أجاب دياب: عشان مبيعملش حاجة غير شغله، أكتر حاجة مهتم بيها مهتم بعمرو دياب، مش مهتم بأي حاجة تانية خالص، أي حد عايز ينجح لازم يبص في ورقته، عمرنا ما سمعنا إن عمرو دياب بيعمل حاجة غير إنه بيعمل ألبوم أو حفلة، فلو منجحش الراجل يبقى في غـــ لط في الطاقة الكونية.

وأضاف: بجانب إن أحسن ناتج موسيقي في الـ 30 سنة الأخيرة كان منه، ناجح وفي منطقة يحلق بعيدا وربنا يديله العمر والصحة، لإنه بجد من الناس اللي بتتقل الشغلانة، زي ما أستاذ عادل إمام في التمثيل من الناس اللي بتتقل الشغلانة، ومن الأجيال الموجودة السقا، عز طبعا مع حفظ الألقاب للجميع، كرارة، أحمد حلمي، محمد هنيدي، زي ما في الجيل بتاعنا تامر حسني بمشواره العظيم أنا شايف إنه نموذج لازم يدرس في النجاح، لإن تامر حسني مسابش حاجة معملهاش، وبرضه من الناس اللي مبيعملش حاجة غير شغله.

أوضح الفنان دياب رأيه في قرار نقابة المهن الموسيقية بمنع الغناء باستخدام “الفلاشة”.

قال دياب: “طبعا قرار عظيم عشان حـــ رام الموسيقيين قاعدين في البيت مبيشتغلوش، أنا دلوقت كمطرب على الأقل يبقى معايا 8 موسيقيين عشان الناس تاكل عيش.

وأضاف: “الأول كان الموسيقي مثلا شغال مع سين من الناس، وعدد الأفراح كان كبير قبل وجود الـ دي جي، حتعمل فرح لابنك حتجيب 5 فقرات، كل الناس بتشتغل، دلوقت الشغل قل جدا، فكمان الناس حتطلع تغني بفلاشة حـــ ر ام، خلي الموسيقيين تشتغل، وخلي اللي بيعرف يغني يغني، واللي مبيعرفش يغني يشوفله شغلانة شريفة.

كشف الفنان دياب عن مثله الأعلى من المطربين في بدايته.

قال دياب: أنا بعشق أستاذ محمد الحلو، وكل جيلي متهيألي والناس اللي كانت في الفترة بتاعتنا بيحبوا الغنا في التسعينات وبداية الألفينات، أستاذ محمد الحلو طبعا كان بالنسبالي أعظم حاجة في التاريخ.

شاهد أيضاً

أصالة تخـــ لع حذائها لتغني بشكل أفضل بحفلها بالشارقة – فيديو

كعادتها تتحدث المطربة أصالة إلى جمهورها وتمازحه خلال حفلاتها لتتــ فا عل معه بشكل أكبر. …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *